Pa, Fapa, le ciang rauhla

Pa, Fa, le ciang rauhla
“Pa, Fa, le ciang ruahla tu thumkom Pathian ti pom ising”.
(i) Pa Pathian (God):
“Pa Pathian ai Ohnak tu Jesuh Khrih ah a famkhim ti pom ising”. “Jn 3:16)
A nungmi Pathian ngaingai tu pakhat ian om ii. Amah tu fimhnak, ruahla,
mahneu nunhnak, bawntu, Otu, kilkhawltu, bawnhnak hmuahhmuah uktu ii. Famkhimhnak ah i tuseh, cianghlimhnak ah i tuseh tahthim pha om lo ii. Pathian tu zaihmuah ti thil, zaihmuah ling ii; zaihmuah ling i bangpah in zaihmuah huap, tun hlan thil cang zo mi, hlan thu, a tun ah thil cang biakbo te, a cangtuh lai te, le a bawnhnak mi te ai daih rilhnak in thukhanhnak bawntuhhnak te tian in huap sek ii. Amah tu a sangber iithnak, upathnak le thungaihnak thawn thangphattuh i sing. A songlam thu ah thumkom Pathian a ihnak tu kin hmun ah Pa, Fapa, le Ciang ruahla in lar ai pakhat ten a paak ihnak nai kongin Pathian pakhat ihnak, a nungmi, a ommi ihnak khekdun cuang lo.

Genesis 1:1; 2:7; Exodus 3:14; 6:2-3; 15:11ff.; 20:1ff.; Leviticus 22:2; Deuteronomy 6:4; 32:6; 1 Chronicles 29:10; Psalm 19:1-3; Isaiah 43:3,15; 64:8; Jeremiah 10:10; 17:13; Matthew 6:9ff.; 7:11; 23:9; 28:19; Mark 1:9-11; John 4:24; 5:26; 14:6-13; 17:1- 8; Acts 1:7; Romans 8:14-15; 1 Corinthians 8:6; Galatians 4:6; Ephesians 4:6; Colossians 1:15; 1 Timothy 1:17; Hebrews 11:6; 12:9; 1 Peter 1:17; 1 John 5:7.

(ii) Pathian Fapa (God the Son)
“Jesuh Khrih tu laivum ah kawi leh tuh sal ti pom ising”. “Tirh. 1:11”
Khrih tu kumkhua Pathian Fapa ii. Jesuh Khrih tu minung taksa in tolh
fangin Ciang Rauhla naperhnak in fenu cianghlim Mary songin suakhnak ii. Jesuh in Pathian daihhnak famkhim ngai in larruai ai hlun ii, minung mizia thawn taksa in tuamdun ai minung lakah minung angin nung, i ngon sualhnak nai lo ii. Pathian thuhlunhnak ah Pathian dan tu a vumah famkhim ruaitu thinglamteh vum ah canca thih tuarhnak in minung te hrang sual in luathnak tuh kin bawtsah ii. Khenbet tuar hlanah minung te lak ah laileng ii. A thosal hnua tuntu vancung ram Pa ai hamlam ah to in, minung ihnak kihzahzia le pathian ihnak kihzahzia nai in amah tu nalang omsun pakhat, Pathian le mihing te karlakah remhnak bawntu ii. Huthawm hathnak le songlawihnak thawn tolh leh sal fangin laivum ah thukhan in a nun Ohnak naper famkhim ruaitu i tuh ii. Amah sangtu hmuahhmuah songah kumzangza in om cih ve ii.

Genesis 18:1ff.; Psalms 2:7ff.; 110:1ff.; Isaiah 7:14; 53; Matthew 1:18-23; 3:17; 8:29; 11:27; 14:33; 16:16,27; 17:5; 27; 28:1-6,19; Mark 1:1; 3:11; Luke 1:35; 4:41; 22:70; 24:46; John 1:1-18,29; 10:30,38; 11:25-27; 12:44-50; 14:7-11; 16:15-16,28; 17:1-5,

(iii) Rauhla Cianghlim Pathian (God the Holy Spirit)
“Ciangruahla in minung thinlung ah naper ti pom ising”. “Jn. 16:8”
Rauhla cianghlim tu Pathian rauhla i ai Pathian ihnak famkhim nai ii.
Thukham hlun san ah Pathian mi cianghlim te pawl kha thuciang ngan tuh in thawhkhum ii. Thutak ling thil tuh ah mihing pawl bawm ii. Khrih thangphat ii. Mihing te pawl hmunah sual, dikcanghnak, le thukhanhnak pawl lingfiang ruai ii. Otu hmunah mihing pawl hoi ai tesalhnak nai ruai ii. Tesalhnak thawn Khrih ai ruangpum songah sangtu pawl tu tinimhnak pe ii. Pawlpui songah Pathian naper thil tuh hrang ah sangtu pawl nunah khrihfa mizia hleng ruai ai sangtu te thazaang pe ii, ciatin sangtu te pawl tu tacik kin khen ii. Khrihfa pawl tu Khrih hmelpu keng famkhim tuh hnak ah ompui tio de ii. Pathian naperhnak, thuthangpha pungzai ruaihnak ah sangtu pawl mit kin vangruai ai huham hathnak kin nairuai ii.

Genesis 1:2; Judges 14:6; Job 26:13; Psalms 51:11; 139:7ff.; Isaiah 61:1-3; Joel 2:28- 32; Matthew 1:18; 3:16; 4:1; 12:28-32; 28:19; Mark 1:10,12; Luke 1:35; 4:1,18-19; 11:13; 12:12; 24:49; John 4:24; 14:16- 17,26; 15:26; 16:7-14; Acts 1:8; 2:1-4,38; 4:31; 5:3; 6:3; 7:55; 8:17,39; 10:44; 13:2; 15:28; 16:6; 19:1-6; Romans 8:9-11,14-16,26-27; 1 Corinthians 2:10-14; 3:16; 12:3-11,13; Galatians 4:6; Ephesians 1:13-14; 4:30; 5:18; 1 Thessalonians 5:19; 1 Timothy 3:16; 4:1; 2 Timothy 1:14; 3:16; Hebrews 9:8,14; 2 Peter 1:21; 1 John 4:13; 5:6-7; Revelation 1:10; 22:17.